أهم الأخبار : :

أفكار لمواجهة الانقلاب

حياتي كلها لله الخميس | 9/19/2013 01:59:00 م



بسم الله الرحمن الرحيم

طبعا كلنا عارفين ان فيه حشد من فتره بخصوص يوم (6 اكتوبر) وانه ان شاء الله حيكون يوم النصر لكن لو احنا فعلا عايزينه يوم نصر يبقى لازم يكون يوم غير تقليدى مش ( يوم ويعدى)
العبد لله فكر فى فكره مجنونه شويه هى حصلت قبل كده ومش صعبة التنفيذ محتاجه بس ارادة للتنفيذ ومحتاجه شباب مجنون ولو اتنفذت بجد حتبقى ضربه قاصمه لظهر الانقلابيين داخليا وخارجيا

-لفت نظرى فى صفحه من الصفحات المؤيده بوست عن دولة اليمن وانه لما على صالح قام بمحرقة (تعز) حشد الناس مسيرات مشيا على الاقدام لمئات الكيلومترات ل (تعز)

طيب الفكره بقى بتقول ايه

-احنا عندنا 28 محافظه وطبعا احنا بنحشد من دلوقتى وقدامنا لسه 20يوم محتاجين من كل محافظه تطلع من عندها نص مليون فى مسيره واحده باتجاه القاهره سيرا على الاقدام (طبعا فيه ناس حتتكلم على محافظات سيناء والصعيد خليكم معايا)

-احنا بنتكلم فى اقل مسيره حيكون فيها حوالى نص مليون فى 28 محافظه يعنى عندنا 14 مليون متظاهر باتجاه القاهره سيرا على الاقدام

-حنقسم المحافظات دى على اربع اجزاء اجزاء
1-محافظات الاسكندريه ومطروح والبحيره وكفر الشيخ والغربيه والقريب منهم حيتجمعوا (بالمواصلات وليس سيرا على الاقدام فى طنطا)

2-محافظات الصعيد حيتجمعوا بالمواصلات وليس سيرا على الاقدام فى بنى سويف

3-محافظات الحدود سيناء والعريش والوادى الجديد حيتجمعوا فى الاسماعيليه ومعاهم السويس وبورسعيد والاسماعيليه والمحافظات القريبه منهم

4-بقية المحافظات حتتجمع فى اقرب مكان ليها للقاهره بس خلى بالكم من النقطه الجايه دى

جميع المسيرات حتنطلق كلها فى وقت واحد سيرا على الاقدام ولمدة يوم كامل للوصول الى القاهره

طيب الاستفاده ايه

1-جميع وكالات الانباء العالميه حتذيع الحدث ده والحكومات الدوليه حيتأكد عندها انطباع ان ده انقلاب شعب مصر بيرفضه وده حيخلى اى دوله بتفكر انها تعترف بالانقلابيين ترجع فى قرارها

2-ارسال رساله داخليه الى المغيبين فى مصر بعدد الحشود (الحقيقيه) الرافضه للانقلاب العسكرى وحنخليهم يفكروا فى سبب اصرارنا على مظاهراتنا

3-ارسال رساله عنيفه الى العسكر بأننا مش حنسكت على اللى بيحصل +حنخليه يعرف اننا فعلا بنصعد ضده وان افكارنا مبتخلصش+(يكفى رعب المجلس العسكرى وهو يرى حشود بشريه تنطلق سيرا باتجاه العاصمه )

4- الحشود دى حتخلى الرتب الاصغر فى الجيش تفكر فى حل قبل ما تنقلب عليهم

5-فكرة وجود ما لا يقل عن 20 مليون متظاهر فى القاهره لوحدها كفيله بارعاب اى جيش
ولكم ان تتخيلوا ان ربع شعب مصر فى القاهره فقط ومجرد الفكره ستجعل الاقتحام(السلمى) للمتظاهرين او اتخاذ خطوه جريئه من الجيش قابله جدا للتنفيذ

6-ستجعل المجلس العسكرى فى موقف محرج امام العالم

7-ستجعل المجلس العسكرى فى موقف المدافع عن نفسه امام الرتب الاقل

8-ستنكسر شوكة الاعلام المصرى لانه لن يستطيع ان يتجاهل الحشود دى وستسقط تماما جملة ان كل المسيرات اخوانيه

9-حتكون مع كل مسيره شاشاه عرض وستعرض خلال فترة راحة المسيره فيديوهات لكشف الانقلاب الدموى لمدة نصف ساعه هى فترة الراحه

الفكره قابلة التنفيذ وبسيطه جدا هى فقط ان تمشى 0حنرتاح وحننام كل ده معمول حسابه)

فكروا الاول وردوا عليا لو عندكم ملاحظات قولوها وياريت بلاش نغمات الاحباط

الفكرة بسيطه جدا واتعملت قبل كده يبقى فقط الحشد ليها يا ريت تنشروها وتقولو تعليقاتكم واقتراحتكم واللي يقدر يوصلها لحد من التحالف الوطني يبقى كتر خيرو
ودى الخريطة الى بتوضح الفكرة
Mokhtar